= عارف ماما وبابا خدوا ماماك وباباك وخرجوا ليه ؟
- عشان يسيبونا براحتنا نتكلم ونعرف بعض
= باين عليك شاب كويس وعصامي .. دى أول مرة تيجي تخطب مش كده ؟
- باين عليا ؟
= طبعا .. بدلة بكرافت عريض مخطط .. وفارق شعرك .. كنت فى الخليج ها ؟
- السعودية 8 سنين
= واضح من طريقه كلامك انك عمرك ما عرفت بنت .. عمرك ما صاحبت .. عمرك ما كنت ذا أونلى وان بالنسبه لأى بنت .. ولا حتي الباك بون بتاع أو واحده
- لا أنا كنت بوفر جدا هناك ومبشتريش الرفايع دى !
= طب عموما أنا موافقه عليك .. وموافقه ناخد خطوة الخطوبة دى .. بس لازم تبقى عارف توابعها
- أنا كمان موافق .. حاسس براحة ناحيتك كده
= شايفني جميله ها ؟!
- الجمال جمال الروح
= لا الجمال كمال الأيلينر والروجاجو والمسكرة وكريم الأساس وبودرة التفتيح والروج الفراولة .. خد بالك أنا شفايفي مشققه زى كعب رجلى
- ولا يهمك .. أنا ببص على الانسانه من جواها
= لازم كمان تعرف إننا كائنات سطحيين وبنبص دايما على الحاجه من بره .. فهحتاج منك هدايا كتير فى مناسبات عديدة .. عيد ميلادى شم النسيم عيد تحرير سينا .. حشيش ليله الوقفه عليك
- حشيش ؟!
= نعم فأنا أتعاطى المخدرات والمسكنات ولا أصلح للعلاقات الغرامية وبداخلى جن أيضا .. كفرى على الفيس بوك ..!
- يا ساتر يا رب
= احنا كائنات إجتماعيه .. فلازم تعرف ان ليا صحاب ولاد كتير .. وكل واحد منهم ليه البوزيشن بتاعه فى حياتى .. إنت رجل شرقى واحتمال متقبلش بحاجه زى دى .. بس هتقبلها
- اشمعني
= هوو ايه اللى اشمعني .. يا عم ما تاخد موقف ..!
- خلاص طالما فى إطار الصداقة مفيش مشكلة !
= إطار صداقة ؟! .. تعرف أنا عندى كام سنة ؟!
- 21 ؟!
= بالظبط .. وأكيد مش هفضل طول الفتره دى عايشه أحادية الجنس .. بدون خليل .. بدون ما أرتبط وأحب وأسهر وأخرج .. أنا مش مكنة .!
- لا مكنة والله !
= قصدى مش آله يعني .. عندى مشاعر وعندى أحاسيس .. وعندى حبيب مضطرة أسيبه عشان أقعد مع واحد زيك عمرى ما شوفته وأتقبل بيه كزوج .. عشان أترحم من كلمة هنفرح بيكي إمتي
- حاضر حاضر .. براحه بس !
= براحه ايه .. عمالة أقطع فى نفسي .. وأجيبلك ديفوهات من كل حته .. لجل ما تحس على دمك .. لكن هقول ايه .. جبلة .!
- خلاص والله فى ايه .. انتي اتحولتى ليه كده !
= تطلع بره .. تاخد أمك وأبوك وتمشي ..ومتجيش هنا تانى !
- حاضر
= عارف هتقولهم ايه ؟!
- ايه ؟!
= تقولهم دى بتتعاطى المسكنات والمخدرات وبداخلها جن أيضا !
- حاضر
= يالا قوم إعدل هدومك كده واخرج ..
- أهو ..
= بداخلها ايه ؟!
- جن ايضا !
= يالا اتكل ..!!
_
- عشان يسيبونا براحتنا نتكلم ونعرف بعض
= باين عليك شاب كويس وعصامي .. دى أول مرة تيجي تخطب مش كده ؟
- باين عليا ؟
= طبعا .. بدلة بكرافت عريض مخطط .. وفارق شعرك .. كنت فى الخليج ها ؟
- السعودية 8 سنين
= واضح من طريقه كلامك انك عمرك ما عرفت بنت .. عمرك ما صاحبت .. عمرك ما كنت ذا أونلى وان بالنسبه لأى بنت .. ولا حتي الباك بون بتاع أو واحده
- لا أنا كنت بوفر جدا هناك ومبشتريش الرفايع دى !
= طب عموما أنا موافقه عليك .. وموافقه ناخد خطوة الخطوبة دى .. بس لازم تبقى عارف توابعها
- أنا كمان موافق .. حاسس براحة ناحيتك كده
= شايفني جميله ها ؟!
- الجمال جمال الروح
= لا الجمال كمال الأيلينر والروجاجو والمسكرة وكريم الأساس وبودرة التفتيح والروج الفراولة .. خد بالك أنا شفايفي مشققه زى كعب رجلى
- ولا يهمك .. أنا ببص على الانسانه من جواها
= لازم كمان تعرف إننا كائنات سطحيين وبنبص دايما على الحاجه من بره .. فهحتاج منك هدايا كتير فى مناسبات عديدة .. عيد ميلادى شم النسيم عيد تحرير سينا .. حشيش ليله الوقفه عليك
- حشيش ؟!
= نعم فأنا أتعاطى المخدرات والمسكنات ولا أصلح للعلاقات الغرامية وبداخلى جن أيضا .. كفرى على الفيس بوك ..!
- يا ساتر يا رب
= احنا كائنات إجتماعيه .. فلازم تعرف ان ليا صحاب ولاد كتير .. وكل واحد منهم ليه البوزيشن بتاعه فى حياتى .. إنت رجل شرقى واحتمال متقبلش بحاجه زى دى .. بس هتقبلها
- اشمعني
= هوو ايه اللى اشمعني .. يا عم ما تاخد موقف ..!
- خلاص طالما فى إطار الصداقة مفيش مشكلة !
= إطار صداقة ؟! .. تعرف أنا عندى كام سنة ؟!
- 21 ؟!
= بالظبط .. وأكيد مش هفضل طول الفتره دى عايشه أحادية الجنس .. بدون خليل .. بدون ما أرتبط وأحب وأسهر وأخرج .. أنا مش مكنة .!
- لا مكنة والله !
= قصدى مش آله يعني .. عندى مشاعر وعندى أحاسيس .. وعندى حبيب مضطرة أسيبه عشان أقعد مع واحد زيك عمرى ما شوفته وأتقبل بيه كزوج .. عشان أترحم من كلمة هنفرح بيكي إمتي
- حاضر حاضر .. براحه بس !
= براحه ايه .. عمالة أقطع فى نفسي .. وأجيبلك ديفوهات من كل حته .. لجل ما تحس على دمك .. لكن هقول ايه .. جبلة .!
- خلاص والله فى ايه .. انتي اتحولتى ليه كده !
= تطلع بره .. تاخد أمك وأبوك وتمشي ..ومتجيش هنا تانى !
- حاضر
= عارف هتقولهم ايه ؟!
- ايه ؟!
= تقولهم دى بتتعاطى المسكنات والمخدرات وبداخلها جن أيضا !
- حاضر
= يالا قوم إعدل هدومك كده واخرج ..
- أهو ..
= بداخلها ايه ؟!
- جن ايضا !
= يالا اتكل ..!!
_
